Мэдээ
--
Соёл, спорт, аялал жуулчлал
Цанын улсын аваргаас мөнгөн медаль хүртлээ.
Өсвөр үеийн Улсын аварга шалгаруулах “Цанахүү - 2014” тэмцээн 2014.02.27 –оос 2014.03.01-ны хооронд 3 өдрийн турш сайхан болж өнгөрлөө. Энэ удаагийн тэмцээн нь Монгол улсын 19 удаагийн аварга Найдангийн Пүрэвжав мастерийн нэрэмжит болсон юм. Цанын тэмцээнд Увс аймгийн 1-р баг тэргүүлж 2-р байранд Төв аймгийн баг тамирчид орсон бол 3-р байранд Булган аймгийн баг тамирчид тус тус жагслаа. Манай сумаас улсын аваргын тэмцээнд Д.Мөнхбаяр дасгалжуулагчтай баг тамирчид оролцсоноос охидын 13 насны ангилалд уралдсан Олонбаярын Батцэцэг 2 км-ийн зайд Мөнгөн медаль хүртэж нутгийн зон олноо баясгалаа. Охидын 16-17 насны ангилалд Д.Одгэрэл 8-р байр, Хөвгүүдийн 13 насны ангилалд А.Мөнхбаяр 8-р байр, Хөвгүүдийн 18 насны ангилалд Д.Сугар 2 зайд 4 байр эзэллээ. Мөн тэмцээний үеэр Монголын үндэсний олимпийн хорооны Алтан медалиар багийн дасгалжуулагч Д.Мөнхбаяр шагнагдсан юм. Нийт тамирчиддаа цаашдын уралдаан тэмцээндээ амжилт гаргахыг хүсье.
